PUCUNG
- Anenuwun
Nuju enggal ingkang taun
Cipta ning kang rasa
Rina wengi amemuji
Kaki nini kang dadya tepa tuladha
- Dipun tiru
Tindak tanduk kang satuhu
Satuhuning watak
Watak wantuning ngaurip
Lila legawa ing driya tapa-brata
- Putri kakung
Dhudahi piwulang luhur
Jiwa mrih wijaya
Ya wijayaning ngaurip
Nyuda dhahar guling sarta tindak murka
- Mung tumuju
Gegulang urip kang lugu
Budhi kantentreman
Thetenguk kanthi semedi
Ngudi tentrem lair batining ngagesang.
Tidak ada komentar:
Posting Komentar