BAWA SEKAR AGENG CITRAMENGENG

BAWA SEKAR AGENG CITRAMENGENG

(KANGGE MBUWANI Puja-puji sesaji)

S/9

Sang Hyang Adi Budhi

Hamba asemedi

Munggwing pasamuan

**Samya muja-muji

Mring Hyang Adi Budha

Mugi amaringi

Kalising sambekala

**Samya muja-muji

Katrangan:

**Kawaos/ kaucapaken sesarengan kaliyan pendherek puja-puji

 Satelase bawa ing nginggil punika lajeng kasambet

Ing sekar Kinanthi Subakastawa (ing tanggal 1-10 lan tanggal 21-30jawi), Kinanthi Candrawulan (ing tanggal 11-20jawi).

CAKEPAN SEKAR KINANTHI INGKANG KANGGE PUJA-PUJI SESAJI

1. Kanthi sumunaring lampu,

Amadhangi kanan kering,

Sowan hamba mring Hyang Suksma

Mugi-mugi amaringi

Pajaring manah kawula

Mung saking Hyang Maha Suci.

2. Sang Budha titah pinunjul

Wicaksana lair batin

Tinampia ingkang tirta,

Minangka sembah myang bekti

Mugi peparinga welas

Lir tetesing toya jati.

3. Sang Budha titah pinunjul

Wicaksana lair batin

Tinampia ingkang boga,

Kanthi renaming kang galih

Mugi peparinga welas

Lir tetesing boga jati.

4. Kanti ganda sekar arum

Angambar ameratani

Sinembah pada Sang Budha

Pada lir saroja suci

Minangka bekti kawula

Kasampurnan munggwing mami

5. **Raga mesti nedya lebur

**Kadya sekar kang sinaji

**Layon-layon sami sirna

**Sirnaning raga sejati

**tatas tapis tanpa tilas

**Mulo ayo amemuji

6. Kukusing dupa kumelun,

Ganda arum meratani

Raosing bekti kawula

Sun pepuji siyang ratri

Kang pantes sinudarsana

Kawicaksanan ngayomi

Katrangan:

**kaucap naming menawi wonten upacara lelayu utawi pengetanipun