MANGGALA SUTA WINEDHAR (PARITA)

MANGGALA SUTA WINEDHAR (PARITA)

PUCUNG

1. Tan angrungu,

Piwulang kang tan tinemu

Nuladha utama

Angajeni laku becik

Kautaman tindakna ing saben dina

2. rip iku

Dumunung ing nagri iku

Setya mring nagara

Awit karma ingkang suci

Mbudidaya kamulyan ingkang sunyata

3. Jembaripun

Wawasan ingkang tumuju

Ngulawentah driya

Anetesi nggennya mikir

Atrapsila tumuju ing kasunyatan

4. Bekti iku

Rama Ibu wajibipun

Garwa miwah putra

Lan ngrungkepi Darma jati

Kasunyatan den rungkepi saben dina

5. Ajejurung

Dedana miwah tetulung

Mring sapadha-padha

Sapadha-padhaning urip

Iku nyata kamulyan ingkang utama

6. Ati tulus

Ngajeni sagung tumuwuh

Lana lan narima

Dhawuhe pra among suci

Iku nyata kamulyan ingkang utama

7. Setya tuhu

Sagunging piwulang luhur

Piwulang utama

Dhawuhe pra among suci

Tansah setya mring Darma ingkang utama

8. Ati tulus

Ngawula kanyatan catur

Setya lan narima

Kasampurnan kang sejati

Iku nyata kamulyan ingkang sanyata

9. Ndriyanipun

Teteg tatag tanggon teguh

Tan kengguh ing barang

Tan kena duka sakedhik

Iku nyata kamulyan ingkang utama

10. Ngono iku

Gesang tan gampang ing kengguh

Ing ngendi panggonan

Tatag teteg tan amilih

            Sanyatane kadunungan ing kamulyan